തിരുവനന്തപുരം: മൃഗശാലയില്‍ പുതുതായി പണികഴിപ്പിച്ച , ജലപക്ഷികള്‍ക്കു വേണ്ടിയുള്ള അക്വാട്ടിക് ഏവിയറി, നീര്‍നായകളുടെ പരിബന്ധനം എന്നിവയുടെ ഉദ്ഘാടനം 17 ന് വനംമൃഗശാല വകുപ്പ് മന്ത്രി അഡ്വ. കെ. രാജു നിര്‍വഹിക്കും. നാഗാലാന്റ് മൃഗശാലയില്‍ നിന്നെത്തിച്ച ഒരു ജോഡി ഹിമാലയന്‍ കരടികളെ തുറന്ന പരിബന്ധനത്തിലേക്ക് തുറന്നുവിടുകയും ചെയ്യും. ഇവിടുത്തെ കാലാവസ്ഥയുമായി പൊരുത്തപ്പെട്ട കൊഹിമ, ദീമാപൂര്‍ എന്നീ ഹിമാലയന്‍ കരടികളെയാണ് തുറന്ന പരിബന്ധനത്തിലേക്ക് വിടുന്നത്.
മ്യൂസിയം ഓഡിറ്റോറിയത്തില്‍ ഉച്ചക്ക് രണ്ടിന് നടക്കുന്ന ചടങ്ങില്‍ കെ. മുരളീധരന്‍ എം.എല്‍.എ അധ്യക്ഷനാകും. കൂട്ടിനകത്തെ ജീവികളെ കണ്ടാസ്വദിക്കാന്‍ രണ്ട് സന്ദര്‍ശക ഗ്യാലറിയും സജ്ജമാക്കിയിട്ടുണ്ട്.