അലുവ: വരാപ്പുഴ വീടാക്രമണ കേസിലെ പ്രധാനപ്രതികളെ കസ്റ്റഡിയില്‍ വിട്ടു. ആലുവ മജിസ്‌ട്രേറ്റ് കോടതിയാണ് പ്രതികളായ ശ്രീജിത്ത്, കെ.ബി അജിത്ത്, വിപിന്‍ എന്നിവരെ കസ്റ്റഡിയില്‍ വിട്ടത്. ഈ മാസം 11 വരെയാണ് കസ്റ്റഡി കാലാവധി.

ശനിയാഴ്ചയാണ് പ്രതികള്‍ കോടതിയില്‍ കീഴടങ്ങിയത്. ഇതേ തുടര്‍ന്ന് 14 ദിവസത്തേക്ക് റിമാന്‍ഡ് ചെയ്തിരുന്നു. ആക്രമണത്തിന് ഉപയോഗിച്ച ആയുധങ്ങള്‍ കണ്ടെടുക്കുന്നതിന് ഉള്‍പ്പെടെയുള്ള കാര്യങ്ങള്‍ക്ക് പ്രതികളെ വിട്ടുകിട്ടണമെന്ന അന്വേഷണസംഘത്തിന്റെ ആവശ്യം പരിഗണിച്ചാണ് കോടതി പ്രതികളെ കസ്റ്റഡിയില്‍ വിട്ടത്.