മലപ്പുറം: ബൈക്ക് യാത്രികനെ മര്‍ദിക്കുന്നത് ഫോട്ടോയെടുത്ത ചന്ദ്രിക ഫോട്ടോഗ്രാഫറെ പ്രസ്‌ക്ലബില്‍ കയറി അക്രമിക്കുകയും ഫോണ്‍ ബലമായി പിടിച്ചുകൊണ്ടുപോകുകയും ചെയ്ത കേസില്‍ അറസ്റ്റിലായ രണ്ട് ആര്‍.എസ്.എസ് പ്രവര്‍ത്തകര്‍ക്ക് ജാമ്യം ലഭിച്ചു.
ആര്‍.എസ്.എസ് പ്രവര്‍ത്തകരായ വാഴക്കാട് ചെറുവായൂര്‍ നടക്കലക്കണ്ടി വീട്ടില്‍ ദിലീപ്കുമാര്‍(31), ചെറുവായൂര്‍ കല്ലിങ്ങത്തൊടി ഷിബു(30) എന്നിവര്‍ക്കാണ് ജാമ്യം.
കഴിഞ്ഞ വെള്ളിയാഴ്ച പ്രതികള്‍ ജാമ്യാപേക്ഷ നല്‍കിയിരുന്നെങ്കിലും പിന്നീട് പരിഗണിക്കാമെന്ന് പറഞ്ഞ കോടതി റിമാന്‍ഡ് ചെയ്യുകയായിരുന്നു. ശനിയാഴ്ചയും തിങ്കളാഴ്ചയും ജാമ്യാപേക്ഷ കോടതി പരിഗണിച്ചിരുന്നില്ല.