അതിരമ്പുഴ: എം.ജി സര്‍വകലാശാല, രാജീവ് ഗാന്ധി ചെയര്‍ ഫോര്‍ പബ്ലിക് പോളിസ് സ്റ്റഡീസ്, സ്‌കൂള്‍ ഓഫ് ഇന്റര്‍നാഷണല്‍ റിലേഷന്‍സ് ആന്റ് പൊളിറ്റിക്‌സിന്റെ ആഭിമുഖ്യത്തില്‍ 'ഇന്ത്യ-പാകിസ്താന്‍ റിലേഷന്‍സ്' എന്ന വിഷയത്തില്‍ സ്‌പെഷ്യല്‍ ലെക്ച്ചര്‍ നാളെ രാവിലെ 10.30-ന് സ്‌കൂള്‍ ഓഫ് കെമിക്കല്‍ സയന്‍സ് ഓഡിറ്റോറിയത്തില്‍ നടക്കും.
സര്‍വകലാശാല വൈസ്-ചാന്‍സലര്‍ ഡോ. ബാബു സെബാസ്റ്റ്യന്‍ അധ്യക്ഷനായിരിക്കും. ചടങ്ങില്‍ മുന്‍ കേന്ദ്രമന്ത്രിയും രാജ്യസഭാംഗവും പ്രശസ്ത എഴുത്തുകാരനുമായ മണിശങ്കര്‍ അയ്യര്‍ മുഖ്യ പ്രഭാഷണം നടത്തും. സുരേഷ് കുറുപ്പ്, എം.എല്‍.എ സംസാരിക്കും.
പ്രോ-വൈസ്-ചാന്‍സലര്‍ ഡോ. ഷീനാ ഷുക്കൂര്‍, സിന്‍ഡിക്കേറ്റ് അംഗം കെ. ഷറഫുദ്ദീന്‍, സ്‌കൂള്‍ ഓഫ് ഇന്റര്‍നാഷണല്‍ റിലേഷന്‍സ് വകുപ്പു മേധാവി ഡോ. എ.എം തോമസ്, രാജീവ് ഗാന്ധി ചെയര്‍ കോര്‍ഡിനേറ്റര്‍ ഡോ. സി. വിനോദന്‍ സംസാരിക്കും.
ഉറി ഭീകരാക്രമണത്തിന്റെ വെളിച്ചത്തില്‍ സാര്‍ക് ഉച്ചകോടി മാറ്റിവെച്ചതുമൂലം അന്താരാഷ്ട്ര തലങ്ങളില്‍ ഉരിത്തിരിഞ്ഞ നീക്കങ്ങളെപ്പറ്റി പ്രത്യേക ചര്‍ച്ചയുമുണ്ടാകും.
അധ്യാപകര്‍, ഗവേഷണ വിദ്യാര്‍ഥികള്‍, മാധ്യമ പ്രവര്‍ത്തകര്‍ തുടങ്ങിയവര്‍ക്കു പങ്കെടുക്കാം.