അഗര്‍ത്തല: ത്രിപുരയിലെ അഗര്‍ത്തലയില്‍ തൃണമൂല്‍ കോണ്‍ഗ്രസ്-ബിജെപി പ്രവര്‍ത്തകര്‍ തമ്മിലുണ്ടായ ഏറ്റുമുട്ടലില്‍ രണ്ടു മാധ്യമപ്രവര്‍ത്തകര്‍ ഉള്‍പ്പെടെ 17 പേര്‍ക്ക് പരുക്കേറ്റു. ബിജെപി പ്രവര്‍ത്തകനെ തൃണമൂല്‍ നേതാവിന്റെ സഹോദരന്‍ മര്‍ദിച്ചെന്ന ആരോപണമാണ് സംഘര്‍ഷത്തില്‍ കലാശിച്ചതെന്ന് വെസ്റ്റ് ത്രിപുര എസ്പി അഭിജിത്ത് സപ്തര്‍ഷി പറഞ്ഞു.

ബിജെപി പ്രവര്‍ത്തകനെ തൃണമൂല്‍ നേതാവ് സൂധീപ് റോയ് ബര്‍മന്റെ സഹോദരന്‍ സന്ദീപ് റോയി മര്‍ദിച്ചെന്നാരോപിച്ച് വെസ്റ്റ് അഗര്‍ത്തല സ്റ്റേഷനില്‍ പരാതി നല്‍കാനെത്തിയ ബിജെപി-തൃണമൂല്‍ പ്രവര്‍ത്തകര്‍ ഏറ്റുമുട്ടുകയായിരുന്നു. പ്രശ്‌നത്തില്‍ ഇടപെട്ട 11 പൊലിസുകാര്‍ക്കും സാരമായി പരുക്കേറ്റു. പരുക്കേറ്റവരെ ആശുപത്രിയില്‍ പ്രവേശിപ്പിച്ചു.