സ്ത്രീകള്‍ അനുഭവിക്കുന്ന ക്രൂരമായ പീഡനങ്ങള്‍ക്കും അക്രമങ്ങള്‍ക്കും പരിഹാരം സാധിക്കുന്നതാണോ വര്‍ഷത്തില്‍ ഒരിക്കല്‍മാത്രം നടത്തുന്ന വനിതാദിനബോധവത്കരണം. പേരിനു മാത്രം നടത്തുന്ന പരിപാടികള്‍ സമൂഹത്തിലെ ഈ കൊടിയപാതകങ്ങള്‍ ഇല്ലാതാക്കാന്‍ പര്യാപ്തമല്ല എന്നതാണു വാസ്തവം.

പീഡനങ്ങള്‍ക്ക് അറുതിവരണമെങ്കില്‍ ബോധവല്‍ക്കരണം ആരംഭിക്കേണ്ടതു വീടുകളില്‍ നിന്നാണ്. വീട്ടിലും സമൂഹത്തിലും നേരിടേണ്ടി വരുന്ന എല്ലാ പ്രശ്‌നങ്ങളെയും കുറിച്ചു തുറന്ന ചര്‍ച്ചനടത്തുകയും അവ ഇല്ലാതാക്കാനുള്ള വഴി തേടുകയും വേണം. അതുകൊണ്ടുതന്നെ ഗാര്‍ഹികപീഡനത്തില്‍നിന്നു മാത്രമല്ല, സമൂഹത്തിലെ പീഡനത്തില്‍ നിന്നും മുക്തരാകാന്‍ കഴിയും. നടിമാര്‍ പീഡിപ്പിക്കപ്പെടുമ്പോള്‍ മാത്രം വാളെടുക്കുന്ന സിനിമാലോകം സമൂഹത്തിന് ഇങ്ങനെയുള്ള നെറികേടുകള്‍ പഠിപ്പിച്ചതു തങ്ങളാണെന്ന് ഓര്‍ക്കേണ്ടതുണ്ട്. അജ്ഞരുടെ ലോകമായ സിനിമയിലെ സംസ്‌കാരം അതേപടി അനുകരിക്കുകയാണെങ്കില്‍ സ്ത്രീകളുടെ അവസ്ഥ അവതാളത്തിലാകും.

സിദ്ദിഖ്, മുറിയനാവി