പാലക്കാട്: സംഘടനാ സജീവത, ആമില ശാക്തീകരണം, ആദര്‍ശ പ്രചാരണം വിദ്യാഭ്യാസ മുന്നേറ്റം ലക്ഷ്യമാക്കി എസ്.വൈ.എസ് ജില്ലാകമ്മിറ്റി മാര്‍ച്ച്, ഏപ്രില്‍, മെയ് മാസങ്ങളില്‍ 'തക്ദീം 2017' എന്ന പേരില്‍ ആചരിക്കുന്ന ത്രൈമാസ ക്യാംപയ്‌നിന്റെ ഭാഗമായി സാരഥി സംഗമങ്ങള്‍ നടത്തി.
മണ്ഡലം ഭാരവാഹികള്‍, പഞ്ചായത്ത് പ്രസിഡന്റ്, സെക്രട്ടറിമാര്‍ സംബന്ധിച്ചു. തൃത്താല, പട്ടാമ്പി, ഷൊര്‍ണൂര്‍, ഒറ്റപ്പാലം, മണ്ണാര്‍ക്കാട് മണ്ഡലങ്ങള്‍ ഉള്‍പ്പെടുന്ന വെസ്റ്റ്‌മേഖലാ സാരഥിസംഗമം ജില്ലാ പ്രസിഡന്റ് സയ്യിദ് പി.കെ ഇമ്പിച്ചിക്കോയ തങ്ങള്‍ ഉദ്ഘാടനം ചെയ്തു. ജില്ലാ വൈസ് പ്രസിഡന്റ് സയ്യിദ് അബ്ദുറഹിമാന്‍ ജിഫ്‌രി തങ്ങള്‍ അധ്യക്ഷനായി. എസ്.കെ.ജെ.എം ജില്ലാ സെക്രട്ടറി സി. മുഹമ്മദലി ഫൈസി മുഖ്യപ്രഭാഷണം നടത്തി. ജില്ലാ ജന.സെക്രട്ടറി ടി.കെ മുഹമ്മദ്കുട്ടി ഫൈസി കര്‍മപദ്ധതി അവതരിപ്പിച്ചു. സെക്രട്ടറി പി.എം യൂസഫ് പത്തിരിപ്പാല സ്വാഗതവും എം.എം ബഷീര്‍ മാസ്റ്റര്‍ നന്ദിയും പറഞ്ഞു.
കോങ്ങാട്, പാലക്കാട്, കുഴല്‍മന്ദം, ആലത്തൂര്‍, നെന്മാറ, ചിറ്റൂര്‍ മണ്ഡലങ്ങള്‍ ഉള്‍പ്പെടുന്ന ഈസ്റ്റ് മേഖലാ സാരഥി സംഗമം സയ്യിദ് പി.കെ ഇമ്പിച്ചിക്കോയ തങ്ങള്‍ ഉദ്ഘാടനം ചെയ്തു. പാലക്കാട് മണ്ഡലം പ്രസിഡന്റ് എന്‍. സൈനുദ്ധീന്‍ മന്നാനി അധ്യക്ഷനായി. എം.എം ബഷീര്‍ മാസ്റ്റര്‍ കര്‍മപദ്ധതി അവതരിപ്പിച്ചു. സി. മുഹമ്മദലി ഫൈസി മുഖ്യപ്രഭാഷണം നടത്തി.
 ജില്ലാ ജന.സെക്രട്ടറി ടി.കെ മുഹമ്മദ്കുട്ടി ഫൈസി സ്വാഗതവും എ.എ ഖാദര്‍ അന്‍വരി പയ്യാംകോട് നന്ദിയും പറഞ്ഞു. ജില്ലാ വൈസ് പ്രസിഡന്റ് കെ.പി.എ സമദ് മാസ്റ്റര്‍ നേതൃത്വം നല്‍കി.
ജില്ലാ-മണ്ഡലം ഭാരവാഹികളായ ടി.പി അബൂബക്കര്‍ മുസ്‌ലിയാര്‍ പാലക്കോട്, ഇ.വി ഖാജാ ദാരിമി തൂത, എം. വീരാന്‍ ഹാജി പൊട്ടച്ചിറ, എം.ടി സൈനുല്‍ ആബിദീന്‍ മാസ്റ്റര്‍ പനമണ്ണ, സംസം ബഷീര്‍ അലനല്ലൂര്‍, യു. അലി അല്‍ഹസനി കൊഴിഞ്ഞാമ്പാറ, വി. മൊയ്തീന്‍കുട്ടി മുസ്‌ലിയാര്‍ ആലൂര്‍, സയ്യിദ് ഹസന്‍ സഖാഫ് തങ്ങള്‍ കൊപ്പം, അബു സ്വാലിഹ് അന്‍വരി ചളവറ, എന്‍ സലീം ഫൈസി കോണിക്കഴി, റഷീദ് ഉലൂമി പാലക്കാട്, സി.പി ശാഹുല്‍ഹമീദ് ഫൈസി കോട്ടായി, എച്ച്. മുസ്തഫ മുസ്‌ലിയാര്‍ ആലത്തൂര്‍ പ്രസംഗിച്ചു.