മണ്ണാര്‍ക്കാട്: ഇസ്‌ലാമിക് സെന്ററില്‍ ഹിഫ്‌ളുല്‍ ഖുര്‍ആന്‍ അക്കാദമിയില്‍നിന്ന് വിശുദ്ധ ഖുര്‍ആന്‍ മനഃപ്പാഠമാക്കിയ അല്‍ഹാഫിള് മുഹമ്മദ് സഫാദിനെ ഇന്ന് കരിമ്പയില്‍ നടക്കുന്ന സമസ്ത ജില്ലാ ഉലമാ സംഗമത്തില്‍ അനുമോദിക്കും. സമസ്ത കേരള ജംഇയ്യത്തുല്‍ ഉലമ പ്രസിഡന്റ് സയ്യിദ് ജിഫ്‌രി മുത്തുക്കോയ തങ്ങള്‍ ഉപഹാരം നല്‍കും. എസ്.കെ.എസ്.എസ്.എഫ് സംസ്ഥാന കമ്മിറ്റിയുടെ കീഴില്‍ പ്രവത്തിക്കുന്ന ഇസ്‌ലാമിക് സെന്റര്‍ ഹിഫ്‌ളുല്‍ ഖുര്‍ആന്‍ അക്കാദമിയിലെ ആദ്യത്തെ ഹാഫിളാണ് മുഹമ്മദ് സഫാദ്. പെരിന്തല്‍മണ്ണ പൊന്നിയാകുറുശ്ശി സ്വദേശി ഹാഫിള് മുഹമ്മദ് സലീം ഫൈസിയുടെ മേല്‍നോട്ടത്തിലാണ് ഹിഫ്‌ള് പൂര്‍ത്തിയാക്കിയത്.
പെരിമ്പടാരി സ്വദേശി മണിയം കോടന്‍ അബ്ദുല്‍ മജീദിന്റെയും ജുവൈരിയ്യയുടെയും മകനാണ് മുഹമ്മദ് സഫാദ്.