കിളിമാനൂര്‍: പൈപ്പ് പൊട്ടി വെള്ളം പാഴാകാന്‍ തുടങ്ങിയിട്ട് ആഴ്ചകളായി. വണ്ടന്നൂര്‍ ഇടക്കുന്നില്‍ ആണ് പൈപ്പ് പൊട്ടി വെള്ളം പാഴാകുന്നത് . മഴക്കാലത്തും കുടിവെള്ള ക്ഷാമം ഉള്ളതാണ് ഈ പ്രദേശങ്ങള്‍.
പൈപ്പ് പൊട്ടി വെള്ളം പാഴാകുന്നതു മൂലം ഗാര്‍ഹിക കണക്ഷന്‍ എടുത്ത നിരവധി കുടുംബങ്ങള്‍ വെള്ളം കിട്ടാതെ ബുദ്ധിമുട്ടുകയാണ്. ഉയര്‍ന്ന പ്രദേശത്താണ് പലവീടുകളും. പൈപ്പ് പൊട്ടികിടക്കുന്നതു മൂലം ഉയര്‍ന്ന ഭാഗത്തോക്കു വെള്ളം എത്തുന്നില്ലന്നും പരാതിയുണ്ട്. ദിനേ ആയിരക്കണക്കിന് ലിറ്റര്‍ വെള്ളമാണ് ഒഴുകി പോകുന്നത്.
അധികൃതരെ പലവട്ടം വിവരം അറിയിച്ചിട്ടും 'ഇപ്പം ശരിയാക്കാം' എന്നു പറയുന്നതല്ലാതെ ശരിയാക്കുന്നില്ലന്നു നാട്ടുകാര്‍ക്ക് പരാതി.