കൊയിലാണ്ടി: എസ്.വൈ.എസ് മണ്ഡലം കമ്മിറ്റി മെയ് 21, 22, 23 തിയതികളില്‍ കൊയിലാണ്ടിയില്‍ സംഘടിപ്പിക്കുന്ന ത്രിദിന റമദാന്‍ പ്രഭാഷണത്തിന് സ്വാഗതസംഘം കമ്മിറ്റിയായി. ഇന്നലെ ചീക്കാപ്പള്ളിയില്‍ ചേര്‍ന്ന കണ്‍വന്‍ഷന്‍ എ. അസീസ്മാസ്റ്റര്‍ ഉദ്ഘാടനം ചെയ്തു. സി.പി.എ സലാം അധ്യക്ഷനായി.
21 ന് കാലത്ത് ഒന്‍പതിന് റമളാന്‍ പ്രഭാഷണം സമസ്ത കേന്ദ്ര മുശാവറ അംഗം എ.വി അബ്ദുറഹ്മാന്‍ മുസ്‌ലിയാര്‍ ഉദ്ഘാടനം ചെയ്യും . വില്യാപ്പള്ളി ഇബ്രാഹിം മുസ്‌ലിയാര്‍ പ്രഭാഷണം നടത്തും. രണ്ടാം ദിവസം എസ്.കെ.എം.എം.എ ജില്ലാ പ്രസിഡന്റ് എ.പി.പി തങ്ങള്‍ ഉദ്ഘാടനവും മിര്‍ഷാദ് യമാനി ചാലിയം പ്രഭാഷണവും നടത്തും.
23 ന് നടക്കുന്ന സമാപനം എസ്.വൈ.എസ് ജില്ലാ സെക്രട്ടറി നാസര്‍ ഫൈസി കൂടത്തായി ഉദ്ഘാടനം ചെയ്യും. ബഷീര്‍ ബാഖവി ദിക്ര്‍ ദുആ മജ്‌ലിസിന് നേതൃത്വം നല്‍കും.
പ്രവര്‍ത്തനഫണ്ട് അബ്ദുറഹ്മാന്‍ ബസ്‌ക്രാന്‍ സയ്യിദ് അബ്ദുല്ല ഹൈദ്രോസിന് കൈമാറി ഉദ്ഘാടനം ചെയ്തു. സ്വാഗതസംഘം ഭാരവാഹികളായി യൂസുഫ് കൊയിലാണ്ടി ( ചെയര്‍മാന്‍ ) സി.പി.എ സെലാം , എ.അസീസ് ,സുഹൈല്‍ ബാഫഖി ( വൈസ് . ചെയര്‍മാന്‍) അന്‍സാര്‍ കൊല്ലം ( ജന.കണ്‍വീനര്‍) അബു താഹിര്‍ അസ്ഹരി, മൊയ്തീന്‍ മാസ്റ്റര്‍ നമ്പ്രത്തുകര, ഷാഹുല്‍ ഹമീദ് ദാരിമി ( കണ്‍വീനര്‍മാര്‍ ) സയ്യിദ് അബ്ദുല്ല ഹൈദ്രോസ് ( ട്രഷറര്‍) എന്നിവരെ തിരഞ്ഞെടുത്തു.
അബ്ദുറഹ്മാന്‍ മുസ്‌ലിയാര്‍ , മുഹമ്മദ് ശാഫി നിസാമി, സയ്യിദ് സുഹൈല്‍ ബാഫഖി , ഹമീദ് പുതുക്കുടി, മമ്മു പി.വി , നിസാര്‍ കാഞ്ഞിരോളി, കുഞ്ഞബ്ദുല്ല കീഴൂര്‍ , എ.കെ.സി മുഹമ്മദ് സംസാരിച്ചു.