കൊച്ചി: വരാപ്പുഴ കസ്റ്റഡി മരണത്തില്‍ എസ്.പി എ.വി ജോര്‍ജിനെ അന്വേഷണ സംഘം വീണ്ടും ചോദ്യം ചെയ്യും. വ്യാജ മൊഴിയെക്കുറിച്ച് എ.വി ജോര്‍ജിന് അറിവുണ്ടായിരുന്നുവെന്ന വിവരത്തിന്റെ അടിസ്ഥാനത്തിലാണ് ചോദ്യം ചെയ്യല്‍.

വരാപ്പുഴയില്‍ ആത്മഹത്യ ചെയ്ത വാസുദേവന്റെ മകന്‍ വിനീഷിന്റെ മൊഴിയാണ് വ്യാജമായി തയ്യാറാക്കിയത്.

കസ്റ്റഡി മര്‍ദനം അറിയിച്ച ഉദ്യോഗസ്ഥനോട് എസ്.പി മോശമായി പെരുമാറിയെന്നാണു റിപ്പോര്‍ട്ട്. ഇതുസംബന്ധിച്ച് ഉദ്യോഗസ്ഥരുടെ മൊഴി അന്വേഷണ സംഘം രേഖപ്പെടുത്തി. എസ്.പി ആര്‍.ടി.എഫ് ഉദ്യോഗസ്ഥരെ വഴിവിട്ടു പ്രോത്സാഹിപ്പിച്ചതിനും തെളിവ് ലഭിച്ചു.