മലപ്പുറം: സുന്നി യുവജന സംഘം ജില്ലാ കമ്മിറ്റിയുടെ ജലസംരക്ഷണ ദശദിന കാംപയിനോടനുബന്ധിച്ചു നാളെ ജില്ലയിലെ വിവിധ  മണ്ഡലങ്ങളില്‍ ഖത്വീബ് സംഗമങ്ങള്‍ നടക്കും. ജലവിനിയോഗം സംബന്ധിച്ചു മഹല്ലുതലങ്ങളില്‍ നടപ്പാക്കുന്ന ബോധവല്‍ക്കരണ പരിപാടികള്‍ സംഗമത്തില്‍ അവതരിപ്പിക്കും. അടുത്ത വെള്ളിയാഴ്ച ജുമാ മസ്ജിദുകളില്‍ നടക്കുന്ന ഉദ്‌ബോധന പരിപാടിയില്‍ ഖത്വീബുമാര്‍ സന്ദേശം കൈമാറും. മലപ്പുറം സുന്നി മഹല്‍ (മലപ്പുറം), ചങ്ങരംകുളം ടൗണ്‍ മസ്ജിദ് (പൊന്നാനി), പുത്തനത്താണി മസ്ജിദ് (കോട്ടക്കല്‍), പാറപ്പുറം മനാറുല്‍ ഇസ്‌ലാം മദ്‌റസ (തവനൂര്‍), പെരിന്തല്‍മണ്ണ ടൗണ്‍ മസ്ജിദ് (പെരിന്തല്‍മണ്ണ), ചുങ്കത്തറ ദാറുല്‍ ഇഹ്‌സാന്‍ (നിലമ്പൂര്‍), വണ്ടൂര്‍ സുന്നീ സെന്റര്‍ (വണ്ടൂര്‍) എന്നിവിടങ്ങളിലാണ് സംഗമം.