മാഹി: ഷമേജ് വധക്കേസില്‍ സി.സി.ടിവി ദൃശ്യങ്ങള്‍ പൊലിസിന് കിട്ടി. സംഭവ സ്ഥലത്ത് സി.സി.ടി.വി ഇല്ലാത്തതിനാല്‍ സമീപ സ്ഥലങ്ങളിലെ ദൃശ്യങ്ങളാണ് പരിശോധിക്കുന്നത്. കൊലയാളികള്‍ ഉപയോഗിച്ച വാഹനങ്ങള്‍ തിരിച്ചറിയാന്‍ ശ്രമം തുടരുകയാണ്.

സി.പി.എം നേതാവ് ബാബു കൊല്ലപ്പെട്ടതിനു പിന്നാലെ രാത്രി പത്തോടെയാണ് ന്യൂമാഹിയിലെ ബി.ജെ.പി പ്രവര്‍ത്തകന്‍ ഓട്ടോ ഡ്രൈവറായ ഷമേജിന് വെട്ടേറ്റത്. മാഹി മലയാള കലാഗ്രാമത്തിനടുത്ത് വച്ച് ഒരു സംഘം അക്രമികള്‍ ഷമേജിനെ വെട്ടിപ്പരുക്കേല്‍പ്പിക്കുകയായിരുന്നു. ഇയാളെ കോഴിക്കോട് മെഡിക്കല്‍ കോളജ് ആശുപത്രിയിലേക്കു കൊണ്ടുപോകുന്ന വഴിയാണ് മരിച്ചത്.