ബംഗളൂരു: എ.എഫ്.സി കപ്പ് ഡി ഗ്രൂപ്പിലെ ആദ്യ പോരാട്ടത്തില്‍ കരുത്തരായ ബംഗളൂരു എഫ്.സിയും മോഹന്‍ ബഗാനും നേര്‍ക്കുനേര്‍ വന്നപ്പോള്‍ ജയം ബംഗളൂരുവിനൊപ്പം. ഒന്നിനെതിരേ രണ്ടു ഗോളുകള്‍ക്കാണു ബംഗളൂരു വിജയിച്ചത്.
സ്വന്തം തട്ടകമായ കണ്ഠീരവ സ്റ്റേഡിയത്തില്‍ ഒരു ഗോളിനു പിന്നില്‍ നിന്ന ശേഷമാണു ബംഗളൂരു രണ്ടു ഗോളുകള്‍ മടക്കി വിജയം പിടിച്ചത്. മോഹന്‍ ബഗാനു വേണ്ടി കാറ്റ്‌സുമി യുസ ഗോള്‍ നേടിയപ്പോള്‍ ബംഗളൂരുവിനായി സന്ദേശ് ജിങ്കാനും നായകന്‍ സുനില്‍ ഛേത്രിയുമാണു വല ചലിപ്പിച്ചത്.
കളി തുടങ്ങി 36ാം മിനുട്ടില്‍ കാറ്റ്‌സുമി യുസ നേടിയ ഗോളില്‍ മോഹന്‍ ബഗാന്‍ ലീഡെടുത്തു. എന്നാല്‍ രണ്ടാം പകുതിയുടെ 51ാം മിനുട്ടില്‍ സന്ദേശ് ജിങ്കാന്‍ ബംഗളൂരുവിനു ലീഡ് സമ്മാനിച്ചു. ആറു മിനുട്ടിനുള്ള സുനില്‍ ഛേത്രി അവരുടെ വിജയ ഗോളും കുറിച്ചു.