ബദിയഡുക്ക: കോടതി പിടികിട്ടാപ്പുള്ളിയായി പ്രഖ്യാപിച്ച പ്രതി അറസ്റ്റില്‍. പേരാല്‍ കണ്ണൂരിലെ സുധാകര ഷെട്ടി (48)യാണ് അറസ്റ്റിലായത്. 2006 മാര്‍ച്ച് മൂന്നിന് ബദിയഡുക്ക സ്റ്റേഷന്‍ പരിധിയിലെ സീതാംഗോളിയിലെ ശംസുദ്ദീന്‍ എന്നായാളെ കടയില്‍ കയറി കുത്തിപ്പരുക്കേല്‍പ്പിച്ച കേസിലെ പ്രതിയാണ്. തുടര്‍ന്ന് ജാമ്യത്തില്‍ ഇറങ്ങിയ ഒളിവില്‍ കഴിയുകയായിരുന്നു. തുടര്‍ന്നാണ് കോടതി പിടികിട്ടാപ്പുള്ളിയായി പ്രഖ്യാപിച്ചത്.
കഴിഞ്ഞദിവസം കര്‍ണാടക പുത്തൂരിലേ ബന്ധുവിന്റെ വിവാഹ ചടങ്ങില്‍ സംബന്ധിക്കാന്‍ സുധാകര എത്തുന്നുണ്ടെന്ന് പൊലിസിന് ലഭിച്ച രഹസ്യ വിവരത്തെ തുടര്‍ന്ന് ബദിയഡുക്ക എസ്.ഐ പ്രശാന്തിന്റെ നേതൃത്വത്തില്‍ സ്ഥലത്തെത്തിയ പോലിസ് സംഘം സുധാകരനെ അറസ്റ്റ് ചെയ്യുകയായിരുന്നു. കോടതിയില്‍ ഹാജരാക്കിയ പ്രതിയെ 14 ദിവസത്തേക്ക് റിമാന്‍ഡ് ചെയ്തു.