പുലാമന്തോള്‍: കുട്ടിക്കര്‍ഷകന്‍ അഭിലാല്‍ (12) അക്ഷയ ശ്രീ അവാര്‍ഡ് ഏറ്റുവാങ്ങി. അന്താരാഷ്ട്ര  പയര്‍വര്‍ഷത്തില്‍ പയറും പച്ചക്കറികളും കൃഷി ചെയ്തതിനാണ് അഭിലാല്‍ ബംഗളൂരുവിലെ  എസ്.ടി ഫൗണ്ടേഷന്‍ വിദ്യാര്‍ഥികളായ കര്‍ഷകര്‍ക്കു നല്‍കുന്ന പ്രത്യേക പുരസ്‌കാരമായ അക്ഷയ ശ്രീ  അവാര്‍ഡിന് അര്‍ഹനായത്. ആലപ്പുഴ മുഹമ്മയില്‍ നടന്ന ചടങ്ങില്‍ എം.ജി യൂനിവേഴ്‌സിറ്റി മുന്‍ വൈസ് ചാന്‍സലറും ആലപ്പുഴ മുന്‍ ജില്ലാ കലക്ടറുമായ ജി. വിശ്വംഭരനില്‍നിന്നാണ് പുരസ്‌ക്കാരം ഏറ്റുവാങ്ങിയത്.
എം.ജി യൂനിവേഴ്‌സിറ്റി വൈസ് ചാന്‍സലര്‍ ഡോ. ബാബു സെബാസ്റ്റിയന്‍ പരിപാടി ഉദ്ഘാടനം ചെയ്തു. ജി. വിശ്വംഭരന്‍ അധ്യക്ഷനായി. ഷിബുലാല്‍, കുമാരി ഷിബുലാല്‍, മുഹമ്മ ഗ്രാമപഞ്ചായത്ത് പ്രസിഡന്റ് ജയലാല്‍, ഡോ. കെ.വി ദയാല്‍ സംസാരിച്ചു.