മനാമ: ബഹ്‌റൈന്‍ കെ.എം.സി.സി. കോഴിക്കോട് ജില്ലാ കമ്മിറ്റി സംഘടിപ്പിക്കുന്ന അഹ്‌ലന്‍ റമളാന്‍ ദ്വിദിന പ്രഭാഷണ പരമ്പര വെള്ളിയാഴ്ച മുതല്‍ ആരംഭിക്കുമെന്ന് ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു.

മെയ് 11, 12 (വെള്ളി, ശനി) ദിവസങ്ങളില്‍ രാത്രി 8.30 മുതല്‍ മനാമ പാക്കിസ്താന്‍ ക്ലബ്ബിലാണ് പരിപാടി. ഖലീല്‍ ഹുദവിയാണ് മുഖ്യപ്രഭാഷകന്‍. ഇതിനായി അടുത്ത ദിവസം അദ്ദേഹം ബഹ്‌റൈനിലെത്തും.

വാര്‍ത്താസമ്മേളനത്തില്‍ കെ.എം.സി.സി സംസ്ഥാന വൈസ് പ്രസിഡന്റ് ഗഫൂര്‍ കൈപ്പമംഗലം, വൈസ് പ്രസിഡന്റ് ശാഫി പാറക്കട്ട, ഓര്‍ഗനൈസിംഗ് സെക്രട്ടറി ശംസുദ്ധീന്‍ വെള്ളികുളങ്ങര, ജില്ലാ പ്രസിഡന്റ് എ.പി. ഫൈസല്‍, ജനറല്‍സെക്രട്ടറി ഫൈസല്‍ കോട്ടപ്പള്ളി, ട്രഷറര്‍ ഒ.കെ.കാസിം, ഭാരവാഹികളായ അബൂബക്കര്‍ ഹാജി മുട്ടുങ്ങള്‍, നാസര്‍ ഹാജി പുളിയാവ്, സൂപ്പി ജീലാനി, മൂസ ഹാജി ഫളീല, തുടങ്ങിയവര്‍ പങ്കെടുത്തു.