ഉരുവച്ചാല്‍: പുലിയെ കണ്ടതായി അഭ്യൂഹമുയര്‍ന്ന ഉരുവച്ചാലില്‍ കാട്ടുപൂച്ചയെ ചത്ത നിലയില്‍ കണ്ടെത്തി. കഴിഞ്ഞ ദിവസം മണക്കായി റോഡില്‍ ടെലഫോണ്‍ എക്‌സ്‌ചേഞ്ചിന് സമീപം കാറില്‍       പുലി ഇടിച്ചതായി പറയപ്പെട്ടിരുന്നു. വാഹനത്തിലുള്ളവര്‍ സമീപവാസികളെ വിളിച്ച് തെരച്ചില്‍ നടത്തിയെങ്കിലും കണ്ടെത്താനായില്ല. ഇന്നലെ പുലര്‍ച്ചയോടെയാണ് റോഡരികില്‍ കാട്ടുപൂച്ച ചത്തത് നാട്ടുകാരുടെ ശ്രദ്ധയില്‍പെട്ടത്. ഇതായിരിക്കാം കാറിനു കുറുകെ ചാടിയതെന്നാണ് നാട്ടുകാര്‍ പറയുന്നത്.