വര്‍ക്കല: മലയാള സാംസ്‌കാരിക വേദിയുടെ ആറാമത് ജനമിത്ര, ഗ്രാമകീര്‍ത്തി പുരസ്‌കാരങ്ങള്‍ പ്രഖ്യാപിച്ചു. ജീവന്‍ രക്ഷാപ്രവര്‍ത്തനങ്ങള്‍ക്ക് സുനില്‍ കുമാറിന് (കേരള ഫയര്‍ഫോഴ്‌സ്) ജനമിത്ര പുരസ്‌കാരം സമ്മാനിക്കും.
ഡോ.ജി. വിജയകുമാര്‍ (ആതുരസേവനം), അശോക്കുമാര്‍ (ജീവകാരുണ്യം), ജെസീന്താ മോറിസ് (കല,സാഹിത്യം), ജയപ്രസാദ് (ജനമൈത്രി പോലീസ്), നൗഷാദ്ഷിമാനോ (വ്യാപാരി) എന്നിവര്‍ക്ക് ഗ്രാമ കീര്‍ത്തി പുരസ്‌കാരവും നല്‍കും.
കണ്ണൂര്‍ യൂനിവേഴ്‌സിറ്റി മുന്‍.വൈസ് ചാര്‌സിലര്‍ ഡോ.പി.ചന്ദ്രമോഹനന്‍, അനെര്‍ട്ട് മുന്‍ ഡയറക്ടര്‍ ഡോ.എം.ജയരാജു, വര്‍ക്കല എസ്എന്‍ കോളേജിലെ പ്രൊഫ. ഡോ.ഹേനാലാല്‍ എന്നിവരടങ്ങിയ സമിതിയാണ് പുരസ്‌കാര നിര്‍ണയം നടത്തിയത്. 14 ന് രാവിലെ 10.30 ന് വര്‍ക്കല ടൌണ്‍ ഹാളില്‍ സംഘടിപ്പിക്കുന്ന പത്താം വാര്‍ഷിക സാംസ്‌കാരിക സമ്മേളനത്തില്‍ സംവിധായകന്‍ കമല്‍ പുരസ്‌കാരങ്ങള്‍ സമ്മാനിക്കുമെന്ന് മലയാള സാംസ്‌കാരിക വേദി ചെയര്‍മാന്‍ അന്‍സാര്‍ വര്‍ണന, വൈസ്‌ചെയര്‍മാന്‍ എം. രാജു, ജന.സെക്രട്ടറി ബിജു ഗോപാലന്‍ എന്നിവര്‍ അറിയിച്ചു.