കണ്ണൂര്‍: മാനേജ്‌മെന്റിന്റെ തൊഴിലാളി ദ്രോഹ നിലപാടുകള്‍ക്കെതിരേ ജീവനക്കാര്‍ വൈദ്യുതി ഭവനു മുന്നില്‍ ധര്‍ണ നടത്തി. ദീര്‍ഘകാല കരാറിലുള്ള ഷിഫ്റ്റ് സമ്പ്രദായം നടപ്പാക്കുക, രാഷ്ട്രീയ പകപോക്കലുകള്‍ മൂലം ലഭിക്കുന്ന ട്രാന്‍സഫറുകള്‍ ഒഴിവാക്കുക, പെന്‍ഷന്‍ പ്രായം വര്‍ധിപ്പിക്കുക, സീനിയര്‍ അഡീഷനല്‍ തസ്തിക പിന്‍വലിക്കാനുള്ള നീക്കം ഉപേക്ഷിക്കുക തുടങ്ങിയ ആവശ്യങ്ങളുന്നയിച്ചായിരുന്നു ധര്‍ണ.
ഐ.എന്‍.ടിയു.സി ദേശീയ സെക്രട്ടറി കെ സുരേന്ദ്രന്‍ ഉദ്ഘാടനം ചെയ്തു.
കെ.ഇ.ഇ.സി ജില്ലാ വര്‍ക്കിങ് പ്രസിഡന്റ് സി.പി.പി നമ്പ്യാര്‍ അധ്യക്ഷനായി. ഇ അശോകന്‍, വി.വി ശശീന്ദ്രന്‍, ബേബി ആന്റണി, എ.എന്‍ രാജേഷ്, അജിത് കുമാര്‍, സുരേഷ് ബാബു സംബന്ധിച്ചു.