ലണ്ടന്‍: ജൂലൈയില്‍ തുടങ്ങുന്ന പ്രീമിയര്‍ ഫുട്‌സാലിന് മുന്‍ മാഞ്ചസ്റ്റര്‍ യുനൈറ്റഡ് താരം പോള്‍ ഷൂള്‍സും എത്തും. ഷൂള്‍സുമായി ബന്ധപ്പെട്ട അടുത്ത വൃത്തങ്ങളാണ് ഇക്കാര്യം അറിയിച്ചത്. നേരത്തെ മുന്‍ ബ്രസീലിയന്‍ ഫൂഡ്‌സാല്‍ താരം ഫാല്‍ക്കാവോയും മുന്‍ ബാഴ്‌സലോണ മിഡ്ഫീല്‍ഡര്‍ ഡെക്കോയും ലീഗില്‍ കളിക്കാനെത്തുമെന്ന് അറിയിച്ചിരുന്നു. മാഞ്ചസ്റ്റര്‍ യുനൈറ്റഡിനു വേണ്ടി 499 കളിയില്‍ ബൂട്ടുകെട്ടിയ പോള്‍ ഷൂള്‍സ് 107 തവണ വലകുലുക്കിയിട്ടുണ്ട്. 25 കിരീടങ്ങള്‍ യുനൈറ്റഡുമൊത്ത് സ്വന്തമാക്കിയിട്ടുണ്ട്. ഇംഗ്ലണ്ടിനുവേണ്ടി 66 മത്സരങ്ങളില്‍ ബൂട്ടുകെട്ടിയിട്ടുണ്ട്. 

ജൂലൈ 15നാണ് ഫുട്‌സാല്‍ തുടങ്ങുന്നത്. 8 നഗരങ്ങളായിരിക്കും ഫുട്‌സാലിന് അണിനിരക്കുക. ലീഗിന്റെ പ്രസിഡന്റ് പോര്‍ചുഗല്‍ ഇതിഹാസം ലൂയി ഫിഗോയും ബ്രാന്‍ഡ് അംബാസിഡര്‍ ഇന്ത്യന്‍ ക്രിക്കറ്റ് താരം വിരാട് കോഹ്‌ലിയുമാണ്.