കാലിഫോര്‍ണിയ: ടെസ്റ്റ് ക്രിക്കറ്റ് മാച്ചിന്റെ 140ാം പിറന്നാള്‍ ആഘോഷമാക്കി ഗൂഗിള്‍. ട്വന്റി 20 ക്രിക്കറ്റു കാലം ടെസ്റ്റ് മത്സരങ്ങളുടെ മരണമണിയാണെന്ന മുറവിളികള്‍ ഇനിയും അവസാനിച്ചിട്ടില്ലെന്നിരിക്കെ മനേഹരമായ ഡൂഡിലൊരുക്കിയാണ് ഗൂഗിള്‍ ടെസ്റ്റ് ക്രിക്കറ്റ് മാച്ചിന്റെ 140ാം പിറന്നാള്‍ ആഘോഷമാക്കിയത്.

1877 മാര്‍ച്ച് 15നാണ് ക്രിക്കറ്റ് ചരിത്രത്തിലെ ആദ്യ മല്‍സരം മെല്‍ബണില്‍ നടന്നത്. ഇംഗ്ലണ്ടും ആസ്‌ത്രേലയിയയും തമ്മിലായിരുന്നു മത്സരം.

ടോസ് നേടിയ ആസ്‌ത്രേലിയ ആണ് ആദ്യം ബാറ്റ് ചെയ്തത്. ഇംഗ്ലണ്ടിന്റെ ആല്‍ഫ്രഡ് ഷോ ചാള്‍സ് ആദ്യം പന്തെറിഞ്ഞു. ചാള്‍സ് ബാനര്‍മാനായിരുന്നു ആദ്യ ബാറ്റിങ്. മല്‍സരത്തില്‍ ആസ്‌ത്രേലിയ 45 റണ്‍സിന് വിജയിച്ചു. എന്നാല്‍ രണ്ടാം ടെസ്റ്റ് വിജയിച്ച് പരമ്പര ഇംഗ്ലണ്ട് സമനിലയിലാക്കി. 165 റണ്‍സ് നേടി ബെന്നര്‍മാന്‍ ടെസ്റ്റിലെ ആദ്യ സെഞ്ച്വറിയും സ്വന്തമാക്കി.