മെല്‍ബണ്‍: മൊബൈല്‍ ഹെഡ്‌ഫോണ്‍ പൊട്ടിത്തെറിച്ച് വിമാന യാത്രക്കാരിക്ക് പരുക്ക്. ബീജിങില്‍ നിന്ന് മെല്‍ബണിലേക്കുള്ള വിമാനത്തില്‍ സഞ്ചരിച്ച യാത്രക്കാരിക്കാണ് പരിക്കേറ്റത്.പാട്ട് കേട്ടുകൊണ്ടിരിക്കുന്നതിനിടെ പെട്ടെന്ന് ഹെഡ്‌ഫോണ്‍ പൊട്ടിത്തെറിക്കുകയായിരുന്നുവെന്ന് യാത്രക്കാരിയായ യുവതി പറഞ്ഞു.

സംഭവമുണ്ടായ ഉടന്‍ ഹെഡ്‌ഫോണ്‍ വിമാനത്തിന്റെ തറയിലേക്ക് വലിച്ചെറിഞ്ഞുവെന്നും അതില്‍ നിന്ന് പുക ഉയരുന്നത് കണ്ടതായും അവര്‍ കൂട്ടിച്ചേര്‍ത്തു. യുവതിയെ സംബന്ധിച്ച കൂടുതല്‍ വിവരങ്ങള്‍ പുറത്ത് വന്നിട്ടില്ല. ഇവരുടെ മുഖമാകെ കരുവാളിച്ച നിലയിലാണ്.

സംഭവത്തെ തുടര്‍ന്ന് ഫ്‌ളൈറ്റുകളില്‍ ബാറ്ററി ഉപയോഗിച്ച് പ്രവര്‍ത്തിക്കുന്ന ഉപകരണങ്ങള്‍ ഉപയോഗിക്കുന്നതിനെതിരെ ആസ്‌ത്രേലിയ മുന്നറിയിപ്പു നല്‍കി.