ബാഗ്ദാദ്: മൊസൂളില്‍ ഐ.എസ് കമാന്‍ഡറെ ഇറാഖി സൈന്യം വധിച്ചതായി റിപ്പോര്‍ട്ട്. അബു അബ്ദുല്‍ റഹ്മാന്‍ അല്‍ അന്‍സാരിയെയാണ് വധിച്ചത്. ബാബ് അല്‍ തോബ് ജില്ലയില്‍ നിന്ന് ഐ.എസ് ഭീകരരെ ഒഴിപ്പിക്കുന്നതിനിടെയാണ് ഇയാള്‍ കൊല്ലപ്പെട്ടത്.

മൊസൂളില്‍ പിടിച്ചു നില്‍ക്കാന്‍ ശ്രമിക്കുന്ന ഐ.എസിന് വന്‍തിരിച്ചടിയാണ് അന്‍സാരിയുടെ മരണമെന്ന് സൈനിക വക്താക്കള്‍ പറഞ്ഞു.

ദിവസങ്ങളായി പോരാട്ടം ശക്തമായി തുടരുന്ന മൊസൂളില്‍ ജനജീവിതം പൂര്‍ണ്ണമായും ദുസ്സഹമായിരിക്കുകയാണ്. നൂറുകണക്കിനാളുകളാണ് ഇവിടെ നിന്ന് സമീപപ്രദേശങ്ങളിലേക്ക് പലായനം ചെയ്യുന്നത്.