മദീന: മഞ്ചേരിയില്‍ നടന്ന എസ്.കെ.എസ്.എസ്.എഫ് മലപ്പുറം ജില്ലാ സമ്മേളനം 'മദീന പാഷന്‍' പരിപാടിയോടനുബന്ധിച്ചു തിരഞ്ഞെടുത്ത പ്രവര്‍ത്തകര്‍ പുണ്യ ഭൂമിയിലെത്തി. സംഘടനാ പ്രവര്‍ത്തന രംഗത്തു തങ്ങളുടേതായ വ്യക്തി മുദ്ര പതിപ്പിച്ച 13 കരുത്തുറ്റ പ്രവര്‍ത്തകരെയാണ് പുണ്യ ഭൂമിയിലേക്ക് സന്ദര്‍ശനം നടത്താനായി നറുക്കെടുപ്പോലൂടെ തിരഞ്ഞെടുത്തിരുന്നത്.

മഞ്ചേരി 'ഹുദൈബിയ നഗറില്‍' നടന്ന മദീന പാഷനിലെ ജില്ലയിലെ 1200 ശാഖാ കമ്മിറ്റികളില്‍ നിന്നും പങ്കെടുത്ത മുവ്വായിരത്തില്‍ പരം പ്രതിനിധികളില്‍ നിന്നും നറുക്കെടുത്താണ് പതിമൂന്നു പേരെ തിരഞ്ഞെടുത്തത്. അതിലെ ആദ്യ സംഘത്തിലെ രണ്ടു പേര്‍ ഇതിനകം തന്നെ മക്കയില്‍ എത്തി ചേര്‍ന്നു.

ആദ്യ സംഘത്തിലെ ശറഫുദ്ധീന്‍ ഹുദവി പത്തനാപുരം, ജില്ലാ ജനറല്‍ സിക്രട്ടറി ശഹീര്‍ അന്‍വരി എന്നിവരെ എസ്.കെ.ഐ.സി മക്ക സെന്‍ട്രല്‍ കമ്മിറ്റിയുടെ നേതൃത്വത്തില്‍ സ്വീകരിച്ചു. എസ്.കെ.ഐ.സി മക്ക പ്രവിശ്യ പ്രസിഡന്റ് റഫീഖ് ഫൈസി മണ്ണാര്‍ക്കാട് അധ്യക്ഷത വഹിച്ചു.

പാണക്കാട് സയ്യിദ് നിയാസ് അലി ശിഹാബ് തങ്ങള്‍ ഉദ്ഘാടനം ചെയ്തു. സി.എച്ച് മുഹമ്മദ് ത്വയ്യിബ് ഫൈസി, ഓമാനൂര്‍ മുഹമ്മദ് മൗലവി, മൊയ്ദു മൗലവി മക്കിയാട്, അബ്ദുല്‍ ഖാദര്‍ ഫൈസി ദുബൈ, ഫരീദ് ഐക്കരപ്പടി, അഷ്‌റഫ് അന്‍വരി സംസാരിച്ചു. ശക്കീര്‍ കോഴിച്ചെന സ്വാഗതവും, അബ്ദുറസാഖ് ഓമാനൂര്‍ നന്ദിയും പറഞ്ഞു. സംഘത്തിലെ അംഗങ്ങള്‍ക്ക് എസ്.കെ.ഐ.സി മക്ക സെന്‍ട്രല്‍ കമ്മിറ്റി ജനറല്‍ സിക്രട്ടറി ഫരീദ് ഐക്കരപ്പടി ഉപഹാരങ്ങള്‍ നല്‍കി.