കുറ്റ്യാടി: ഓവുചാല്‍ മണ്ണിട്ടു നികത്തിയതിനെ തുടര്‍ന്ന് റോഡിലൂടെ ഒഴുകുന്ന മലിനജലം വീട്ടിലേക്ക് ഒലിച്ചിറങ്ങുന്നതായി പരാതി.
കുറ്റ്യാടി മരുതോങ്കര റോഡില്‍ അടുക്കത്ത് സ്‌കൂളിന് സമീപത്ത് താമസിക്കുന്ന കാക്കോട്ട് ചാലില്‍ ഇബ്‌റാഹീമിന്റെ വീട്ടിലാണ് സംഭവം. മഴയൊന്ന് ശക്തിയായി പെയ്താല്‍ റോഡിലെ വെള്ളം മുഴുവനും വീട്ടുമുറ്റത്തേക്കാണ് ഒഴുകിയെത്തുന്നത്.ഇങ്ങനെ അമിതമായി എത്തുന്ന വെള്ളം വീടിന്റെ അകത്തേക്ക് കയറി വീടിന് കേടുപാടുകള്‍ സംഭവിക്കുന്നതായും പരാതിയുണ്ട്. സംഭവം പലതവണ കലക്ടര്‍ ഉള്‍പ്പടെയുള്ള അധികൃതരുടെ ശ്രദ്ധയില്‍ പെടുത്തിയിട്ടും പരിഹാര നടപടികള്‍ സ്വീകരിച്ചില്ലെന്നു പറയുന്നു.