റിയാദ്: സഊദി തലസ്ഥാന നഗരിയായ റിയാദില്‍ പ്രദേശവാസികളെ ദു:ഖത്തിലാഴ്ത്തി ദുരൂഹ കൊലപാതകം. വെള്ളിയാഴ്ച രാവിലെയാണ് ഇരട്ടകളായ മക്കള്‍ തങ്ങളുടെ മാതാപിതാക്കളെ ക്രൂരമായി മര്‍ദിച്ചു കൊലപ്പെടുത്തിയത്. റിയാദിനു സമീപം ഹംറ ഡിസ്ട്രിക്റ്റിലാണ് സംഭവം.
മാതാപിതാക്കളെ കൊലപ്പെടുത്തുകയും മറ്റൊരു സഹോദരനെ മാരകമായി പരുക്കേല്‍പിക്കുകയും ചെയ്ത ഇരട്ടകളായ കൊലപാതകികള്‍ പൊലീസ് പിടിയിലാണ്. കൊലയുടെ പിന്നിലുള്ള ലക്ഷ്യം എന്താണെന്ന് വ്യക്തമായിട്ടില്ല.

ഇളയ സഹോദരനെ കൊലപ്പെടുത്താനാണ് ആദ്യ ശ്രമം നടന്നത്. ഇതിനായി കുടുoബ വീടിന്റെ മുകളിലേക്ക് കൊണ്ടുവന്ന് ക്രൂരമായി മര്‍ദ്ദിച്ചു. എന്നാല്‍ ഇദ്ദേഹം മരിച്ചിട്ടില്ലങ്കിലും ഗുരുതര പരിക്കകളോടെ ആശുപത്രിയിലാണ്. പിന്നീടാണ് പിതാവിനെ ക്രൂരമായി വെട്ടിയും കുത്തിയും കൊലപ്പെടുത്തിയത്. ശേഷം തൊട്ടടുത്ത റൂമില്‍ കിടന്നുറങ്ങക്കയായിരുന്ന മാതാവിനെയും ഇതേപോലെ ക്രൂരമായി കൊലപ്പെടുത്തുകയായിരുന്നുവെന്നാണ് റിപ്പോര്‍ട്ട്. സംഭവം പുറത്തറിഞ്ഞ ഉടന്‍ തന്നെ പൊലീസ് പ്രതികളെ പിടികൂടി. ചോദ്യം ചെയ്യല്‍ തുടരുകയാണ്. സംഭവത്തില്‍ തീവ്രവാദ ബന്ധമില്ലെന്നാണ് പ്രാഥമിക നിഗമനം.