ആലപ്പുഴ: ചേര്‍ത്തല കെ.വി.എം ഹോസ്പിറ്റലിന്റെ നേതൃത്വത്തില്‍ സൗജന്യ മെഡിക്കല്‍ ക്യാംപ് നടത്തുന്നു.
ഏപ്രില്‍ മൂന്നു മുതല്‍ ഏഴുവരെയാണ് ക്യാംപ്. ലണ്ടനില്‍നിന്നുള്ള ന്യൂറോ സര്‍ജന്‍മാര്‍ അടങ്ങുന്ന സംഘമാണ് ക്യാംപിന് നേതൃത്വം നല്‍കുന്നതെന്ന് കെ.വി.എം ന്യൂറോ സര്‍ജറി വിഭാഗം മേധാവി ഡോ. അവിനാഷ് ഹരിദാസ് വാര്‍ത്താസമ്മേളനത്തില്‍ അറിയിച്ചു.
ക്യാംപില്‍ ബ്രെയിന്‍ ട്യൂമര്‍, പിറ്റുവിറ്ററി ട്യൂമര്‍, പാര്‍ക്കിങ്‌സന്‍ എന്നീ രോഗങ്ങളുടെ വിദഗ്ദ്ധ പരിശോധന സൗജന്യമായി നടത്തും. ആദ്യം രജിസ്റ്റര്‍ ചെയ്യുന്ന 150 പേര്‍ക്കാണ് ക്യാംപിന്റെ പ്രയോജനം ലഭിക്കുക. ഫോണ്‍: 9544123456.