കൊച്ചി: ജിഷ വധക്കേസ് പ്രതി അമീറുല്‍ ഇസ്‌ലാമിനെ ഡി.ജി.പി ലോക്‌നാഥ് ബെഹ്‌റ ചോദ്യം ചെയ്തു. ആലുവ പൊലിസ് ക്ലബില്‍ വച്ചായിരുന്നു ചോദ്യം ചെയ്യല്‍. ഇതു വരെയുള്ള അന്വോഷണത്തില്‍ തൃപ്തിയുണ്ടെന്നും അന്വേഷണം ശരിയായ ദിശയിലാണ് നീങ്ങുന്നതെന്നും അദ്ദേഹം മാധ്യമങ്ങളോട് പറഞ്ഞു. കേസുമായി ബന്ധപ്പെട്ട് കൂടുതല്‍ ശാസ്ത്രീയ തെളിവുകള്‍ക്ക് പൊലിസ് ശ്രമിക്കുകയാണ്. ശാസ്ത്രീയ തെളിവുകള്‍ കേസിന് കൂടുതല്‍ ബലം നല്‍കും. കേസില്‍ ഒന്നില്‍ കൂടുതല്‍ പ്രതികളുണ്ടോ എന്ന ചോദ്യത്തിന് പ്രതികരിക്കുന്നില്ലെന്നായിരുന്നു ബെഹ്‌റയുടെ മറുപടി.