പെരുമ്പാവൂര്‍: എം.എസ്.എഫ് പെരുമ്പാവൂര്‍ നിയോജക മണ്ഡലത്തില്‍ ആഹ്വാനം ചെയ്തിട്ടുള്ള ദാഹജലം പദ്ധതിയുടെ ഭാഗമായി സൗത്ത് വല്ലത്ത് പദ്ധതിക്ക് തുടക്കം കുറിച്ചു. എം.എസ്.എഫ് സൗത്ത് വല്ലം ശാഖ കമ്മറ്റിയുടെ ആഭിമുഖ്യത്തില്‍ സംഘടിപ്പിച്ച പരിപാടി എം.എസ്.എഫ് ജില്ലാ സെക്രട്ടറി ഫാസില്‍ വല്ലം കുടിനീര്‍ മുഹമ്മദ് സ്വാലിഹ് തങ്ങള്‍ക്ക് നല്‍കി ഉദ്ഘാടനം നിര്‍വ്വഹിച്ചു.
എം.എസ്.എഫ് ശാഖ പ്രസിഡന്റ് ഇസ്മായില്‍ സലിം അധ്യക്ഷത വഹിച്ചു. യൂത്ത് ലീഗ് മണ്ഡലം സെക്രട്ടറി നിഷാദ് വല്ലം മുഖ്യാതിഥിയായിരുന്നു. എം.എസ്.എഫ് മുനിസിപ്പല്‍ പ്രസിഡന്റ് അല്‍ത്താഫ് അലിയാര്‍  മൂഖ്യപ്രഭാഷണം നടത്തി. ചടങ്ങില്‍ അസ്‌ലം അലി, ഫഹദ് ബദവി, സി.ജെ അല്‍ത്താഫ്, സി.കെ ആസിഫ്, വി.എസ് ഫാരിസ്, റിയാസ് ഇബ്രാഹിം, റൗഫാന്‍ ഉമ്മര്‍, ഫായിസ് പരീദ്, കെ.എ ഹുസൈന്‍, ആകിബ് കരീം എന്നിവര്‍ സംബന്ധിച്ചു.