തൃശൂര്‍: കേരളത്തിലെ കാര്‍ഷികമേഖലയുമായി ബന്ധപ്പെട്ട വിഷയങ്ങളിന്മേല്‍ കൂട്ടായ ചര്‍ച്ചയ്ക്കും പരിഹാരമാര്‍ഗങ്ങള്‍ ആരായുന്നതിനുമായി തൃശൂര്‍ ദൂരദര്‍ശന്‍ ഇന്ന്് എകദിന കാര്‍ഷികമുഖാമുഖം നടത്തും. രാവിലെ 10ന് മുതിര്‍ന്ന കാര്‍ഷിക പത്രവ്രവര്‍ത്തകന്‍ സീരി ഉദ്ഘാടനം ചെയ്യും. കാര്‍ഷിക സര്‍വകലാശാല ഡയറക്ടര്‍ എക്സ്റ്റന്‍ഷന്‍ ഡോ. എസ്. എസ്റ്റലിറ്റ മുഖ്യപ്രഭാഷണം നടത്തും. കൃഷി ശാസ്ത്രജ്ഞന്‍ ഡോ. രഞ്ജന്‍ എസ്. കരിപ്പായി ചര്‍ച്ച നയിക്കും. കൃഷിയുടെ അതിജീവനം എന്ന മുഖ്യപ്രമേയത്തെ അധികരിച്ച് നടക്കുന്ന ചര്‍ച്ചകളില്‍ വരള്‍ച്ച, ജലസംരക്ഷണം, ശാസ്ത്രീയമായ ജലവിനിയോഗം എന്നിവയ്ക്കാണ് ഊന്നല്‍. മുളങ്കുന്നത്തുകാവ് കിലയില്‍ നടക്കുന്ന പരിപാടിയില്‍ കര്‍ഷകരും കാര്‍ഷികവിദഗ്ധരും ഉദ്യോഗസ്ഥരും പങ്കെടുക്കും. ദൂരദര്‍ശന്റെ കൃഷിദര്‍ശന്‍ വിഭാഗത്തിന്റെ ആഭിമുഖ്യത്തിലാണ് മുഖാമുഖം സംഘടിപ്പിക്കുന്നത്.