ഇരിങ്ങാലക്കുട : ഫീസ് നല്‍കാത്തതിന് വിദ്യാര്‍ഥികളെ സ്‌കൂള്‍ അധികൃതര്‍ മുറിയില്‍ അടച്ചിട്ടതായി പരാതി. പടിയൂര്‍ പീസ് സ്‌കൂളില്‍ ചെറിയ ക്ലാസുകളില്‍ പഠിക്കുന്ന രണ്ട് കുട്ടികളെയാണ് മുറിയില്‍ അടച്ചിട്ടതെന്നാരോപിച്ച് രക്ഷിതാക്കള്‍ പൊലിസില്‍ പരാതി നല്‍കിയത്.
ലഭിച്ച പരാതികള്‍ ചൈല്‍ഡ് വെല്‍ഫെയര്‍ കമ്മിറ്റിക്ക് കൈമാറുമെന്ന് ഇരിങ്ങാലക്കുട സി.ഐ സുരേഷ് കുമാര്‍ വ്യക്തമാക്കി. അവര്‍ അന്വേഷണം നടത്തി പരാതിയില്‍ കഴമ്പുണ്ടെന്ന് കണ്ടാല്‍ നടപടിയെടുക്കുമെന്ന് സി.ഐ വ്യക്തമാക്കി.