കൊണ്ടോട്ടി: കരിപ്പൂര്‍ വിമാനത്താവളത്തില്‍ 47.08 ലക്ഷം രൂപയുടെ സ്വര്‍ണം എയര്‍ കസ്റ്റംസ് ഇന്റലിജന്‍സ് പിടികൂടി. കോഴിക്കോട് പടനിലം പളളിക്കോട്ട സ്വദേശി സമീറില്‍ (29) നിന്നാണ് 1487.4 ഗ്രാം സ്വര്‍ണം കണ്ടെടുത്തത്. ഇയാള്‍ ഇന്നലെ രാവിലെ ദുബൈയില്‍ നിന്നുള്ള ഇന്‍ഡിഗോ എയര്‍ലൈന്‍സിലാണ് കരിപ്പൂരിലെത്തിയത്. ബാഗേജിനുളളില്‍ കാസറോളിനുളളില്‍ ഒളിപ്പിച്ചുകടത്താനായിരുന്നു ശ്രമം. അറസ്റ്റ് ചെയ്ത ഇയാളെ പിന്നീട് ജാമ്യത്തില്‍ വിട്ടു.
കസ്റ്റംസ് അസി. കമ്മിഷണര്‍മാരായ നിഥിന്‍ലാല്‍, ഡി.എന്‍ പന്ത്, സൂപ്രണ്ടുമാരായ ഡാല്‍റ്റണ്‍ ഫോര്‍ട്ടെ, വിനയകുമാര്‍ എന്നിവരുടെ സംഘമാണ് സ്വര്‍ണം പിടികൂടിയത്.