തിരുവനന്തപുരം: ഹയര്‍സെക്കന്‍ഡറി ടെക്‌നിക്കല്‍ സ്‌കൂള്‍ വിഭാഗത്തില്‍76.77 ശതമാനം വിജയം.15 ടെക്‌നിക്കല്‍ സ്‌കൂളുകളില്‍ നിന്നായി 1,631 പേര്‍ പരീക്ഷയ്ക്കിരുന്നതില്‍ 1,246 പേര്‍ ഉന്നതപഠനത്തിന് യോഗ്യത നേടി.
33 പേര്‍ മുഴുവന്‍ വിഷയങ്ങള്‍ക്കും എ പ്ലസ് നേടി. കഴിഞ്ഞവര്‍ഷത്തെ വിജയശതമാനം79.08 ശതമാനമായിരുന്നു. കലാമണ്ഡലം ആര്‍ട്ട് ഹയര്‍സെക്കന്‍ഡറി സ്‌കൂളില്‍ 95 വിദ്യാര്‍ഥികള്‍ പരീക്ഷയ്ക്കിരുന്നതില്‍78 വിദ്യാര്‍ഥികള്‍ ഉന്നത പഠനത്തിന് അര്‍ഹത നേടി. 82.11 ശതമാനമാണ് വിജയം.
സ്‌കോള്‍ കേരള (ഓപ്പണ്‍ സ്‌കൂള്‍) മുഖാന്തരം രജിസ്റ്റര്‍ ചെയ്ത 67,991 വിദ്യാര്‍ഥികളില്‍ 25,503 പേര്‍ ഉപരിപഠനത്തിന് അര്‍ഹത നേടി. വിജയം 37.51 ശതമാനം. കഴിഞ്ഞ വര്‍ഷം 31.89 ശതമാനമായിരുന്നു.
എല്ലാ വിഷയങ്ങള്‍ക്കും എ പ്ലസ് ഗ്രേഡ് നേടിയത് 109 പേരാണ്. സയന്‍സില്‍ 1,057 പേരില്‍ 820 (77.57) പേരും ഹ്യൂമാനിറ്റീസില്‍ 33,944 പേരില്‍ 11,534 (33.98) പേരും, കൊമേഴ്‌സില്‍ 32,990 പേരില്‍ 13,149 (39.86) പേരുമാണ് വിജയികളായത്.
ഓപ്പണ്‍ പഠന വിഭാഗത്തില്‍ കൂടുതല്‍ പേര്‍ പരീക്ഷയ്ക്കിരുന്നത് മലപ്പുറം ജില്ലയില്‍ നിന്നാണ്. 21,379 പേര്‍. ഓള്‍ഡ് സിലബസില്‍ പരീക്ഷ എഴുതിയ 3,290 വിദ്യാര്‍ഥികളില്‍ 1748 പേര്‍ ഉപരിപഠനത്തിന് അര്‍ഹത നേടി. 53.14 ശതമാനമാണ് വിജയം.