മാഹി: മാഹി പള്ളൂരിലെ സി.പി.എം പ്രവര്‍ത്തകന്റെ കൊലപാതകം പുതുച്ചേരി പൊലിസിന്റെ അറിവോടെയെന്നു സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്‍.
കൊല്ലപ്പെട്ട ബാബുവിന്റെ വീട്ടിലെത്തി കുടുംബാംഗങ്ങളെ സന്ദര്‍ശിച്ച ശേഷം സംസാരിക്കുകയായിരുന്നു അദ്ദേഹം. ബാബുവിനു നിരന്തര ഭീഷണിയുണ്ടായിട്ടും സുരക്ഷ ഒരുക്കുന്നതില്‍ പൊലിസ് പരാജയപ്പെട്ടു. കൊല നടന്ന് ഇത്ര ദിവസമായിട്ടും പ്രതികളെ അറസ്റ്റുചെയ്യാന്‍ കഴിഞ്ഞിട്ടില്ല. മുന്‍കൂട്ടി തയാറാക്കിയ തിരക്കഥയുടെ അടിസ്ഥാനത്തിലാണു ബാബുവിന്റെ കൊലപാതകമെന്നും കോടിയേരി ആരോപിച്ചു.