ശ്രീകൃഷ്ണപുരം: കുടിവെള്ളം തടസപ്പെട്ടതില്‍ പ്രതിഷേധിച്ചു സി.പി.ഐ(എം)ന്റെ നേതൃത്വത്തില്‍ വാട്ടര്‍ അതോറിറ്റി ചെര്‍പ്പുളശ്ശേരി അസി.എന്‍ജിനീയറെ ഉപരോധിച്ചു. വലംമ്പിലിമംഗലത്ത് ദിവസങ്ങളായി കുടിവെള്ള വിതരണം ഇല്ല.
25 നകം തടസങ്ങള്‍ പരിഹരിക്കുമെന്ന് അസി.എന്‍ജിനീയര്‍ ഉറപ്പുനല്‍കിയതിനെ തുടര്‍ന്ന് ഉപരോധം അവസാനിപ്പിച്ചു. കുടിവെള്ളവിതരണം പുനഃസ്ഥാപിച്ചിലെങ്കില്‍ ശക്തമായ സമരം നടത്തും. ചന്തപ്പുര, പാറ തുടങ്ങിയ സ്ഥലങ്ങളിലും നാലു ദിവസമായി വെള്ളമില്ലാത്ത അവസ്ഥയാണ്. ഒ മോഹന്‍ദാസ്, വി.സി ഉണ്ണികൃഷ്ണന്‍, സുരേഷ്ബാബു, പ്രേമ, പ്രകാശന്‍ നേതൃത്വത്തിലായിരുന്നു ഉപരോധം.