തൃശൂര്‍: കേരള സംഗീത നാടക അക്കാദമിയുടെ ഫെലോഷിപ്പിന് കെ.എം രാഘവന്‍ നമ്പ്യാര്‍ (നാടകം), പെരുമ്പാവൂര്‍ ജി. രവീന്ദ്രനാഥ് (സംഗീതം), ഗോപിനാഥ് മുതുകാട് (മാജിക്) എന്നിവര്‍ അര്‍ഹരായി. 50,000 രൂപയും പ്രശസ്തിപത്രവും ഫലകവുമാണ് പുരസ്‌കാരം.
17 പേര്‍ക്ക് അവാര്‍ഡുകളും 16 പേര്‍ക്കു ഗുരുപൂജ പുരസ്‌കാരങ്ങളും പ്രഖ്യാപിച്ചു. അവാര്‍ഡുകള്‍ക്കും ഗുരുപൂജ പുരസ്‌കാരങ്ങള്‍ക്കും 30,000 രൂപ വീതവും പ്രശസ്തി പത്രവും ഫലകവും നല്‍കും. ജയപ്രകാശ് കാര്യാല്‍, കണ്ണൂര്‍ വാസൂട്ടി, പ്രദീപ് റോയ്, സന്ധ്യാ രാജേന്ദ്രന്‍ (നാടകം), ഡോ.എം.നര്‍മദ(ഉപകരണസംഗീതം-വയലിന്‍), ചേര്‍ത്തല ആര്‍.ജയദേവന്‍ (ഉപകരണസംഗീതം-മൃദംഗം), താമരക്കാട് ഗോവിന്ദന്‍ നമ്പൂതിരി (കര്‍ണാടിക് സംഗീതം), വിജയന്‍ പൂഞ്ഞാര്‍ (ലളിത സംഗീതം), പുളിമാത്ത് ശ്രീകുമാര്‍ (കഥാപ്രസംഗം), കലാമണ്ഡലം ഹുസ്‌നബാനു (മോഹിനിയാട്ടം), കലാമണ്ഡലം ഓയൂര്‍ രാമചന്ദ്രന്‍ (കഥകളി), കലാമണ്ഡലം മോഹനകൃഷ്ണന്‍ (ഓട്ടന്‍തുള്ളല്‍), കലാമണ്ഡലം കനക കുമാര്‍ (കൂടിയാട്ടം), പെരുവനം സതീശന്‍ മാരാര്‍ (ചെണ്ട), കുനിശേരി ചന്ദ്രന്‍ (മദ്ദളം), കോങ്ങാട് മധു (തിമില), റോയ് ജോര്‍ജ് കുട്ടി (ചവിട്ടുനാടകം) എന്നിവര്‍ക്കാണ് അവാര്‍ഡുകള്‍.
ഗുരുപൂജ പുരസ്‌കാരത്തിനു ബാലുശേരി സരസ, പാലാ തങ്കം, വര്‍ഗീസ് കാട്ടിപറമ്പന്‍, കെ.വി ആന്റണി, മണികണ്ഠന്‍ നായര്‍, മാധവന്‍ കുന്നത്തറ (നാടകം), പൊന്‍കുന്നം രവി, ദേവദാസ്, എം.രാമകൃഷ്ണന്‍, ജോസ് പീറ്റര്‍, പി.കൃഷ്ണന്‍ ആറ്റിങ്ങല്‍ (സംഗീതം), കോട്ടയ്ക്കല്‍ പി.ഡി നമ്പൂതിരി (കഥകളി സംഗീതം), മുതുപ്പിലക്കാട് ചന്ദ്രശേഖരന്‍ പിള്ള (കഥകളി ചുട്ടി), പി.കെ.വി രാമദാസ് (കഥകളി വേഷം), പല്ലാവൂര്‍ രാഘവപിഷാരടി (ഇലത്താളം), ഉഷാരാജന്‍ (കഥാപ്രസംഗം) എന്നിവരും അര്‍ഹരായി.