കാസര്‍കോട്: ജില്ലാ പഞ്ചായത്ത് ഉദുമ ഡിവിഷനിലേക്കുളള ഉപതെരഞ്ഞെടുപ്പ് ജൂലൈ 28 നു നടക്കും. പെരുമാറ്റച്ചട്ടം ഇന്നു മുതല്‍ പ്രാബല്യത്തില്‍ വരുമെന്ന് തെരഞ്ഞെടുപ്പ് കമ്മിഷന്‍ അറിയിച്ചു. തെരഞ്ഞെടുപ്പ് കമ്മിഷന്റെ വിജ്ഞാപനവും വരണാധികാരി പുറപ്പെടുവിക്കുന്ന തെരഞ്ഞെടുപ്പ് നോട്ടിസ് പരസ്യപ്പെടുത്തലും ജൂലൈ നാലിനാണ്. നാമനിര്‍ദേശ പത്രിക സമര്‍പ്പിക്കുന്നതിനുളള അവസാന തിയതി ജൂലൈ 11 ഉം സൂക്ഷ്മ പരിശോധന ജൂലൈ 12 നുമാണ്.  പത്രിക പിന്‍വലിക്കാനുളള അവസാന തിയതി ജൂലൈ 14. ആവശ്യമുള്ള പക്ഷം വോട്ടെടുപ്പ് ജൂലൈ 28 ന് വ്യാഴാഴ്ച രാവിലെ ഏഴു മുതല്‍ അഞ്ചു വരെ നടക്കും. 29 ന് രാവിലെ എട്ടു മുതല്‍ വോട്ടെണ്ണും.  ഉദുമ ഗ്രാമ പഞ്ചായത്തിലെ ഒന്നു മുതല്‍ 21 വരെ വാര്‍ഡുകളും ചെമ്മനാട് പഞ്ചായത്തിലെ ഒന്ന്, രണ്ട്, 19 മുതല്‍ 23 വാര്‍ഡുകള്‍, പള്ളിക്കര പഞ്ചായത്തിലെ ഒന്ന്, രണ്ട്, 16 മുതല്‍ 22 വരെ വാര്‍ഡുകള്‍ ആണ് ഉദുമ ഡിവിഷനില്‍ ഉള്‍പ്പെടുന്നത്.