കാസര്‍കോട്: പകല്‍ താപനില ക്രമാതീതമായി ഉയരുന്നതുകൊണ്ട് സൂര്യാഘാതമേല്‍ക്കുന്നതിനുള്ള സാഹചര്യമുളളതിനാല്‍  ഏപ്രില്‍ 30 വരെ  സംസ്ഥാനത്തിലെ വെയിലത്ത്  നിന്ന് ജോലി ചെയ്യുന്ന തൊഴിലാളികളുടെ  തൊഴില്‍ സമയം പുനഃക്രമീകരിച്ച് ലേബര്‍  കമ്മിഷണര്‍ ഉത്തരവിറക്കി. ഇത് പ്രകാരം  പകല്‍ ഷിഫ്റ്റില്‍ ജോലി ചെയ്യുന്നവര്‍ക്ക്  ഉച്ചയ്ക്ക് 12 മുതല്‍ മൂന്നു വരെ  വിശ്രമം അനുവദിച്ചു കൊണ്ടും ജോലി സമയം രാവിലെ  ഏഴു മുതല്‍  വൈകുന്നേരം ഏഴുമണി വരെയുളള സമയത്തിനുള്ളില്‍ എട്ടു മണിക്കൂറായും നിജപ്പെടുത്തി.