പോത്തന്‍കോട്: പോത്തന്‍കോട് ഗവ. യു.പി സ്‌കൂളിന്റെ പുതിയ മൂന്നുനില മന്ദിരത്തിന്റെ ശിലാസ്ഥാപനം  ഇന്നു വൈകിട്ട്  അഞ്ചിന് നടക്കും. സി.ദിവാകരന്‍ എം.എല്‍.എയുടെ അധ്യക്ഷതയില്‍ മന്ത്രി കടകംപള്ളി സുരേന്ദ്രന്‍ ശിലാസ്ഥാപന കര്‍മം നിര്‍വ്വഹിക്കും. എസ്.എസ്.എയില്‍ നിന്നും നാല്‍പ്പത്തി രണ്ടര ലക്ഷം രൂപയും സി.ദിവാകരന്‍ എം.എല്‍.എയുടെ പ്രാദേശിക വികസന ഫണ്ടില്‍ നിന്നും ഇരുപത് ലക്ഷംരൂപയും ഉപയോഗിച്ചാണ് കെട്ടിടം നിര്‍മ്മിക്കുന്നത്.  പ്രഥമാധ്യാപിക പി.അനിതകുമാരിയുടെയും അധ്യാപകന്‍ എം. ഗോപകുമാരന്‍ നായരുടെയും യാത്രയയപ്പും ഇതോടൊപ്പം നടക്കും.