തിരുവന്തപുരം: കഴക്കൂട്ടം വെട്ടുറോഡില്‍ 110 കെ.വി ലൈന്‍  ബസിനു മുകളില്‍ പൊട്ടി വീണു. വൈദ്യുതി ബന്ധം വിച്ഛേദിക്കപ്പെട്ടതിനാല്‍ വന്‍ അപകടം ഒഴിവായി. ഇന്നലെ വൈകുന്നേരം ആറു മണിക്കായിരുന്നു സംഭവം.ഇതോടെ കഴക്കൂട്ടം, ടെക്‌നോപാര്‍ക്ക്  മേഖലയില്‍ വൈദ്യുതി വിതരണം താറുമാറായി.  രാത്രി എട്ടരയോടെ കഴക്കൂട്ടം ജങ്ഷനില്‍ മാത്രം  വൈദ്യുതി പുന:സ്ഥാപിച്ചു. രാത്രി വൈകിയും ലൈനിന്റെ അറ്റകുറ്റപ്പണികള്‍ നടക്കുകയാണ്.