കണ്ണൂര്‍: ആയിക്കര ഹാര്‍ബറിന് സമീപം ബോംബിനോട് സമാനരീതിയിലുള്ള പൊതികള്‍ കണ്ടെത്തിയത് ഭീതി പരത്തി.
മൂന്നു കടലാസ് പൊതികള്‍ കണ്ടെത്തിയതാണ് പ്രദേശവാസികളെ ഭീതിയിലാഴ്ത്തിയത്.
ഇന്നലെ രാവിലെ 10.30 ഓടെയാണ് പ്രദേശവാസികള്‍ ഹാര്‍ബറില്‍ ബോംബിനോട് സാമ്യമുള്ള പൊതികള്‍ കണ്ടെത്തിയത്. ഇതോടെ പ്രദേശത്ത് ബോംബ് കണ്ടെത്തിയെന്ന വ്യാപക പ്രചാരണമുണ്ടായി.
പരിഭ്രാന്തരായ പ്രദേശവാസികള്‍ വിവരമറിയിച്ചതിനെ തുടര്‍ന്ന് സിറ്റി സി.ഐ കെ.വി പ്രമോദ്, ബോംബ് സ്‌ക്വാഡ്് പരിശോധന നടത്തിയപ്പോഴാണ് ഇവര്‍ മണല്‍ നിറച്ച കടലാസ് പൊതികളാണെന്ന് കണ്ടെത്തിയത്.