കോഴിക്കോട്: സമസ്ത, ആദര്‍ശ വിശുദ്ധിയുടെ നൂറാം വര്‍ഷത്തിലേക്ക് എന്ന ശീര്‍ഷകത്തില്‍ നടക്കുന്ന ആദര്‍ശ കാംപയിനിന്റെ ഭാഗമായി എസ്.കെ.എസ്.എസ്.എഫ് ജില്ലാ പ്രസിഡന്റ് മുബശ്ശിര്‍ തങ്ങള്‍ ജമലുല്ലൈലി നയിക്കുന്ന പൈതൃക മുന്നേറ്റയാത്ര നാലാം ദിനമായ ഇന്നലെ മലയോര മേഖലയിലെ അടിവാരത്ത് സമസ്ത മുശാവറ അംഗം വാവാട് കുഞ്ഞിക്കോയ മുസ്‌ലിയാര്‍ ഉദ്ഘാടനം ചെയ്തു. സ്വാഗതസംഘം ചെയര്‍മാന്‍ ഹംസ മാസ്റ്റര്‍ അധ്യക്ഷനായി.
അബ്ദുല്‍ ഹമീദ് ഫൈസി അമ്പലക്കടവ് മുഖ്യപ്രഭാഷണം നടത്തി. താമരശേരി മേഖലയിലെ പൂനൂര്‍, നരിക്കുനി മേഖലയിലെ ആരാമ്പ്രം തുടങ്ങിയ സ്ഥലങ്ങളില്‍ പര്യടനം നടത്തി കൊടുവള്ളിയില്‍ സമാപിച്ചു.
വിവിധ കേന്ദ്രങ്ങളില്‍ മുസ്തഫ മാസ്റ്റര്‍ മുണ്ടുപാറ, എം.ടി അബൂബക്കര്‍ ദാരിമി, അബൂബക്കര്‍ ഫൈസി മലയമ്മ, കുഞ്ഞാലന്‍കുട്ടി ഫൈസി നടമ്മല്‍പൊയില്‍, ജാബിര്‍ ഹുദവി തൃക്കരിപ്പൂര്‍, ഒ.പി.എം അഷ്‌റഫ്. സുബൈര്‍ മാസ്റ്റര്‍ കുറ്റിക്കാട്ടൂര്‍, മിര്‍ബാത്ത് തങ്ങള്‍, ഖാസിം നിസാമി, നൂറുദ്ദീന്‍ ഫൈസി, അലി അക്ബര്‍ മുക്കം, ഫൈസല്‍ ഫൈസി മടവൂര്‍, റഫീഖ് മാസ്റ്റര്‍ പെരിങ്ങൊളം, ഫൈസല്‍ വാഫി അടിവാരം, മിദ്‌ലാജ് അലി താമരശേരി, സുബൈര്‍ ദാരിമി, സ്വാലിഹ് നിസാമി എളേറ്റില്‍, റഹീം കുറ്റിക്കാട്ടൂര്‍, കുഞ്ഞിമരക്കാര്‍ മലയമ്മ, അഷ്‌കര്‍ പുവ്വാട്ട്പറമ്പ് അഷ്‌റഫ് പുതിയോത്ത്, ഖാദര്‍ തെയ്യപ്പാറ, അബ്ദുല്‍ ജബ്ബാര്‍ അന്‍വരി, ആലിഹാജി പൂനൂര്‍ ശറഫുദ്ദീന്‍ കൊട്ടാരക്കോത്ത്, ജംശിദ് അടിവാരം, ഹാരിസ് മുസ്‌ലിയാര്‍, ഫാരിസ് ഫള്‌ലുറഹ്മാന്‍, ശരീഫ് മാസ്റ്റര്‍, ശമീര്‍ പോലൂര്‍, മുസ്തഫ ഹുദവി, ജിംഷാദ് കൊടുവള്ളി സംബന്ധിച്ചു. ഇന്ന് ഓമശേരി, കൊടിയത്തൂര്‍, ചെറൂപ്പ എന്നിവിടങ്ങളില്‍ പര്യടനം നടത്തും.