ചെങ്ങന്നൂര്‍: വികസനവും രാഷ്ട്രീയവും ചര്‍ച്ച ചെയ്യാനില്ലാത്തതുകൊണ്ടാണ് യു.ഡി.എഫും എന്‍.ഡി.എയും തനിക്കെതിരേ കഴമ്പില്ലാത്ത ആരോപണങ്ങള്‍ ഉന്നയിക്കുന്നതെന്ന് എല്‍.ഡി.എഫ് സ്ഥാനാര്‍ഥി സജി ചെറിയാന്‍.
തെരഞ്ഞെടുപ്പില്‍ ഒരുതരത്തിലും ജയിക്കാന്‍ കഴിയില്ലെന്ന് മനസിലാക്കിയ ഇരു മുന്നണികളും ചേര്‍ന്ന് വ്യാജമായ ആരോപണങ്ങള്‍ ഉയര്‍ത്തിക്കൊണ്ടുവരികയാണ്. വരണാധികാരിയുടെ മുന്നില്‍ സമര്‍പ്പിച്ച സ്വത്തുവിവരങ്ങളില്‍ കൂടുതല്‍ സമ്പാദ്യം തനിക്കോ ഭാര്യക്കോ മക്കള്‍ക്കോ ഉണ്ടെന്ന് തെളിയിച്ചാല്‍ പൊതുപ്രവര്‍ത്തനം അവസാനിപ്പിക്കാന്‍ തയാറാണെന്നും സജി ചെറിയാന്‍ പറഞ്ഞു.