നെടുമ്പാശ്ശേരി: ഫ്രാന്‍സിലേക്ക് പോകാനെത്തിയ ഫ്രഞ്ച് പൗരന്‍ വെടിയുണ്ടയുമായി വിമാനത്താവളത്തില്‍ പിടിയിലായി.
ഇന്‍ഡിഗോ വിമാനത്തില്‍ ബംഗളൂരു വഴി ഫ്രാന്‍സിലേക്ക് പോകാനെത്തിയ ഫ്രഞ്ച് പൗരന്‍ റെനിലിയോണ്‍(62) ആണ് പിടിയിലായത്. ഇന്‍ഡിഗോയുടെ സുരക്ഷാവിഭാഗമാണ് പരിശോധനക്കിടെ ബാഗേജില്‍ വെടിയുണ്ട കണ്ടെത്തിയത്. ഇയാള്‍ക്കൊപ്പം ഭാര്യയും മകനുമുണ്ടായിരുന്നു. വെടിയുണ്ട കണ്ടെത്തിയതിനെ തുടര്‍ന്ന് മൂവരുടെയും യാത്ര തടസപ്പെട്ടു. നെടുമ്പാശ്ശേരി പൊലിസിന് കൈമാറിയ ഇയാളെ ചോദ്യം ചെയ്തുവരികയാണ്. ഒരു വെടിയുണ്ടയാണ് ബാഗേജില്‍ ഉണ്ടായിരുന്നത്. വെടിയുണ്ട അബദ്ധത്തില്‍ ബാഗേജില്‍പ്പെട്ടതാണെന്നാണ് ഇയാള്‍ മൊഴിനല്‍കിയിരിക്കുന്നത്.