കൊല്ലം: മെന്റല്‍ ഹെല്‍ത്ത് കമ്മിറ്റി ഐ.എം.എ കേരളയുടെയും മയ്യനാട് എസ്.എസ് സമിതി അഭയകേന്ദ്രത്തിന്റെയും സംയുക്ത ആഭിമുഖ്യത്തില്‍ നാളെ അന്താരാഷ്ട്ര ലഹരിവിരുദ്ധ ദിനാചരണം നടക്കും.
മയ്യനാട് എസ്.എസ് സമിതി അഭയകേന്ദ്രത്തില്‍ രാവിലെ പത്തുമുതല്‍ ഉച്ചയ്ക്ക് ഒന്നുവരെ ക്വിസ്, ഉപന്യാസ മത്സരങ്ങള്‍, ഉച്ചകഴിഞ്ഞ് രണ്ടിന് ലഹരിവിമുക്ത ജീവിതം എന്ന വിഷയത്തില്‍ ക്ലാസ്. മൂന്നിന് നടക്കുന്ന ലഹരിവിരുദ്ധ ദിനാചരണ സമ്മേളനം മഹിളാ കോണ്‍ഗ്രസ് സംസ്ഥാന അധ്യക്ഷ അഡ്വ. ബിന്ദുകൃഷ്ണ ഉദ്ഘാടനം ചെയ്യും. ഐ.എം.എ കേരള മെന്റല്‍ ഹെല്‍ത്ത് കമ്മിറ്റി കണ്‍വീനര്‍ ഡോ. ആല്‍ഫ്രഡ് വി. സാമുവല്‍ അധ്യക്ഷത വഹിക്കും.
ഐ.എം.എ ഡിസ്ട്രിക്ട് ടാസ്‌ക് ഫോഴ്‌സ് ചെയര്‍മാന്‍ ഡോ.കെ രവികുമാര്‍ മുഖ്യപ്രഭാഷണം നടത്തും. മയ്യനാട് സിഎച്ച്‌സി ഹെല്‍ത്ത് ഇന്‍സ്‌പെക്ടര്‍ ബി ഗോപകുമാര്‍, കൊല്ലം ടി.കെ.എം കോളജ് ലക്ചറര്‍ ഡോ. ജി .എസ് സംഗീത, എസ്.എസ് സമിതി അഭയകേന്ദ്രം മാനേജിങ് ട്രസ്റ്റി ഫ്രാന്‍സിസ് സേവ്യര്‍, പി.ആര്‍.ഒ സാജു നല്ലേപ്പറമ്പില്‍ പ്രസംഗിക്കും.