ഋഷികേശ്: മുന്‍ബിഹാര്‍ മന്ത്രിയുടെ മകളെ പീഡിപ്പിച്ച കേസില്‍ മുന്‍ ഐ.എ.എസ് ഓഫിസറേയും മകനേയും ഉത്തരാഖണ്ഡില്‍ നിന്ന് ബിഹാര്‍ പൊലിസ് അറസ്റ്റ് ചെയ്തു. പട്‌നയില്‍ ഓട്ടോമൊബൈല്‍ ഷോറൂം നടത്തുന്ന നിഖില്‍ പ്രിയദര്‍ശി, ഇയാളുടെ പിതാവും മുന്‍ ഐ.എ.എസ് ഓഫിസറുമായ കൃഷ്ണ ബിഹാരി പ്രസാദ് സിന്‍ഹ എന്നിവരെയാണ് അറസ്റ്റ് ചെയ്തതെന്ന് ഗര്‍വാള്‍ റേഞ്ച് ഡി.ഐ.ജി പുഷ്പക് ജ്യോതി അറിയിച്ചു.
മുന്‍മന്ത്രിയുടെ 16 കാരിയായ മകളെ പീഡിപ്പിച്ചശേഷം ഒളിവില്‍ പോയ ഇരുവരും ഉത്തരാഖണ്ഡില്‍ ഉണ്ടെന്ന് വിവരം ലഭിച്ചതിനെത്തുടര്‍ന്നാണ് പൊലിസ് ഇവിടെയെത്തി അറസ്റ്റ് ചെയ്തത്. കഴിഞ്ഞ ഡിസംബറിലാണ് പീഡിപ്പിച്ചതായി പെണ്‍കുട്ടി പൊലിസില്‍ പരാതി നല്‍കിയിരുന്നത്.