കോട്ടയം: പത്താമത് പി.കെ.വി പുരസ്‌ക്കാരത്തിന് മഹിളാസംഘം ദേശീയ ജനറല്‍ സെക്രട്ടറി ആനിരാജ അര്‍ഹയായി. 10001 രൂപയും ശില്‍പ്പവും അടങ്ങുന്ന പുരസ്‌ക്കാരം അടുത്ത മാസം 12ന് കിടങ്ങൂരില്‍ നടക്കുന്ന പരിപാടിയില്‍ സമ്മാനിക്കും.
മുന്‍മുഖ്യമന്ത്രിയും കമ്മ്യൂണിസ്റ്റ് നേതാവുമായ അന്തരിച്ച പി.കെ വാസുദേവന്‍ നായരുടെ സ്മരണാര്‍ഥം ജന്മനാടായ കിടങ്ങൂരില്‍ രൂപീകരിച്ച പി.കെ.വി സെന്റര്‍ ഫോര്‍ ഹ്യൂമണ്‍ ഡവലപ്‌മെന്റ് ആന്റ് കള്‍ച്ചറല്‍ അഫയേഴ്‌സ് എന്ന സംഘടനയാണ് പുരസ്‌ക്കാരം ഏര്‍പ്പെടുത്തിയത്.