മട്ടാഞ്ചേരി:  പെരുമ്പടപ്പ് പ്രദേശത്ത് മോഷണ പരമ്പര. കഴിഞ്ഞ ദിവസം അര്‍ധരാത്രി പെരുമ്പടപ്പ് റോഡിലെ കളര്‍ സോണ്‍ പെയിന്റ് കടയിലും തൊട്ടടുത്തുള്ള സഹോദര സ്ഥാപനത്തിലും മോഷണം നടന്നു. നേരത്തേ സമീപത്തെ ബെസ്റ്റ് ബേക്കറിയില്‍ കയറിയ കള്ളന്‍ പണം കിട്ടാതായതോടെ ബേക്കറി സാധനങ്ങള്‍ മോഷ്ടിച്ചതായി ഉടമ പറഞ്ഞു.
ഇതേ ദിവസം തന്നെ തൊട്ടടുത്ത ദുര്‍ഗ ടൈലറിംഗ് സെന്ററിലും മോഷ്ടാവ് കയറിയിരുന്നു. നാട്ടുകാര്‍ എത്തിയപ്പോഴേക്കും കടന്ന് കളയുകയായിരുന്നു. ഏതാനും ദിവസങ്ങളായി പ്രദേശത്ത്  കള്ളന്‍മാരുടെ ശല്യം രൂക്ഷമാണ്. വീട്ടുമുറ്റത്തെ പാത്രങ്ങള്‍ വരെ മോഷണം പോകുന്നതായി നാട്ടുകാര്‍ പറഞ്ഞു. പൊലീസ് അടിയന്തിര നടപടിയെടുക്കണമെന്ന് നാട്ടുകാര്‍ ആവശ്യപ്പെട്ടു.