കായംകുളം: ഫോണ്‍ നമ്പര്‍ കൊടുക്കാതിരുന്നതിന് പത്താം ക്ലാസ് വിദ്യാര്‍ത്ഥിനിയെ നടുറോഡിലിട്ട് തല്ലിയ രണ്ടുപേരെ കായംകുളം പൊലീസ് അറസ്റ്റ് ചെയ്തു. കായംകുളം കണ്ണമ്പള്ളിഭാഗം അന്‍സിലാ മന്‍സിലില്‍ ഹാഷിം (19), കണ്ണമ്പള്ളിഭാഗം നിഷാന്‍സ് വീട്ടില്‍ നിഷല്‍ നൗഷാദ് (20) എന്നിവരെയാണ് അറസ്റ്റു ചെയ്തത്.    കായംകുളത്തെ ഒരു  സ്‌കൂളില്‍ പഠിക്കുന്ന വിദ്യാര്‍ത്ഥിനി വൈകിട്ട് വീട്ടിലേക്ക് പോകുമ്പോഴായിരുന്നു സംഭവം. പലപ്രാവശ്യം ഫോണ്‍ നമ്പര്‍ ആവശ്യപ്പെട്ടിട്ടും നല്‍കാതിരുന്നതിന്റെ വിരോധത്തില്‍ ഇരുവരും ചേര്‍ന്ന് പെണ്‍കുട്ടിയെ ആക്രമിക്കുകയായിരുന്നുവെന്ന് പൊലീസ് പറഞ്ഞു.സംഭവം കണ്ട് ചോദ്യം ചെയ്ത സിജാദ് എന്ന യുവാവിനെയും പ്രതികള്‍ മാരകമായി ആക്രമിച്ചിരുന്നു. പ്രതികളെ  കായംകുളം കോടതിയില്‍ ഹാജരാക്കി.